საგარეო ურთიერთობათა კომიტეტის თავმჯდომარე, სოფიო ქაცარავა ამერიკის შეერთებული შტატების კონგრესის თანამშრომლებს შეხვდა, რომლებიც საქართველოში საგანმანათლებლო და კულტურული გაცვლითი პროგრამის ფარგლებში იმყოფებიან.

შეხვედრისას სოფიო ქაცარავამ საქართველოს საგარეო პოლიტიკის პრიორიტეტებზე, ევროპული და ევროატლანტიკური ინტეგრაციის პროცესში ქვეყნის მიერ განხორციელებულ და მიმდინარე რეფორმებზე ისაუბრა. ხაზი გაუსვა საქართველოს ოკუპირებულ ტერიტორიებზე არსებულ ვითარებას.

შეხვედრა კითხვა-პასუხის რეჟიმში წარიმართა. აშშ-ს კონგრესის თანამშრომლები პარლამენტის საგარეო კომიტეტის საქმიანობით დაინტერესდნენ. კომიტეტის თავმჯდომარემ მათ კომიტეტის სტრატეგია და სამოქმედო გეგმა გააცნო.

"საინტერესო შეხვედრა მქონდა აშშ-ს კონგრესის თანამშრომლებთან, რომლებიც დაინტერესდნენ ჩვენი საგარეო პოლიტიკის პრიორიტეტებით, კომიტეტის მუშაობის სპეციფიკით და ქვეყანაში მიმდინარე რეფორმებით, რის შესახებაც მათ მივაწოდე ამომწურავი ინფორმაცია. ჩვენი თანამშრომლობა აშშ-სთან არის მჭიდრო ყველა დონეზე და კონგრესის თანამშრომლების ეს ვიზიტიც ამის დასტურია", - განაცხადა სოფიო ქაცარავამ.