„ლეიბორისტული პარტია“ კატეგორიულად მოითხოვს, ხელისუფლებამ ყველა მოსწავლეს ფოსტით სახელმძღვანელოების კომპლექტი გაუგზავნოს.

ამის შესახებ პარტიის ერთ-ერთმა ლიდერმა სოსო შატბეტაშვილმა დღეს გამართულ ბრიფინგზე განაცხადა.

შატბერაშვილის განმარტებით, „ვარდების რევოლუციის“ შემდეგ საქართველოში სკოლებისა და მოსწავლეების რაოდენობამ კატასტროფილად იკლო, ამის ერთ-ერთი მიზეზი კი, ქვეყანაში შექმნილი მძიმე სოციალური ფონია.

„კატეგორიულად მოვითხოვთ სააკაშვილისა და მისი მთავრობისგან, ყველა ბავშვს გაეგზავნოს ფოსტით სახელმძღვანელოების კომპლექტი, რათა ჩვენმა ბავშვებმა სწავლის დაწყება და გაგრძელება შეძლონ, ხოლო ხარჯები დაიფაროს „ნაცმოძრაობის“ საარჩევნო ფონდიდან, რომელიც შესაბამისად, ხალხის ძარცვის შედეგია“-აღნიშნა შატბერაშვილმა.

ასევე, „ლეიბორისტული პარტია“ აცხადებს, რომ ხელისუფლებაში მისი მოსვლისთანავე შეიქმნება სასკოლო ბიბლიოთეკები და მოსწავლეები სახელმძღვანელოებით უზრუნველყოფილი იქნებიან.