კოალიცია „ქართული ოცნების“ აქცია 2 სექტემბერს, თელავში გაიმართება. ამის შესახებ დღეს კოალიციის ლიდერმა ბიძინა ივანიშვილმა რუსთავში გამართულ აქციაზე განაცხადა.
მისი თქმით, ამასთან, 26-27 აგვისტოს კოალიცია რაჭა-ლეჩხუმს ეწვევა.
რუსთავში ბიძინა ივანიშვილმა მხარდამჭერებს რუსთავის მაჟორიტარი დეპუტატობის კანდიდატი ზვიად ძიძიგური წარუდგინა, ადგილობრივი პრობლემების მოგვარების საკუთარი ხედვა გააცნო და აღნიშნა, რომ პირველ ოქტომბერს ყველა ერთად უნდა მოემზადოს გამარჯვებისთვის.
ამ წუთებში აქციაზე ბიძინა ივანიშვილის ვაჟი, რეპერი ბერა ივანიშვილი ასრულებს სიმღერას.

















