საქართველოს პრეზიდენტმა მიხელ სააკაშვალმა ბახმაროში მოსახლეობას მიმდინარე ინფრასტრუქტურული და სამომავლო პროექტები გააცნო.

როგორც მან აღნიშნა, ბახმაროს დამსვენებელი მალე არა მარტო ზაფხულში, არამედ, ზამთარშიც ეყოლება. მისი თქმით, სულ მალე აქ სამთო-სათხილამურო ტრასების მშენებლობა დაიწყება, სადაც ადგილობრივები დასაქმდებიან.

მან ინფრასტრუქტურისა და რეგიონული განვითარების მინისტრს რამაზ ნიკოლაიშვილს ბახმარომდე გზის რეაბილიტაციისთვის მადლობა გადაუხადა.

„თქვენ აქ ძალიან მაგარი გზით ამოხვედით და ამ გზის გაკეთებისთვის მე მინდა რამაზ ნიკოლაიშვილს და მის გუნდს ვუთხრა ძალიან დიდი მადლობა, რადგან ჩვენი დიდი ხნის სურვილი ასრულდა“ -განაცხადა სააკაშვილმა და დასძინა, რომ მომავალ გაზაფხულზე ყველა სახლთან მისვლა ასფალტის გზით იქნება შესაძლებელი.

მისივე თქმით, მომავალ წელს ბახმაროში საცურაო აუზი და სპორტული კომპლექსები აშენდება, ხოლო სათხილამურო კურორტის მშენებლობისთვის მოსამზადებელი სამუშაოები მიმდინარეობს.

„იშვითია მსოფლიოში გურიის მსგავსი მხარე, რომელიც დაჯილდოებულია ამდენი შესაძლებლობებით. ურეკში გავაკეთეთ ისეთივე ბულვარი, როგორიც ბათუმშია და ხვალ ან ზეგ ჩავალ, რათა ვანხო, როგორია იგი“ - განცახადა სააკაშვილმა.