პოლიტიკური კოალიცია „ქართული ოცნების“ ზუგდიდის მაჟორიტარი დეპუტატობის კანდიდატი ირაკლი ალასანია დღეს სოფელ რიყის მოსახლეობას  შეხვდა და ადგილობრივების პრობლემები მოისმინა.

„ქართული ოცნების“ ინფორმაციით, ირაკლი ალასანიამ რიყის მოსახლეობას კოალიციის წინასაარჩევნო პროგრამა დეტალურად გააცნო, რომელიც ხელმისაწვდომ ჯანდაცვას, განათლებას, სოფლის მეურნეობის განვითარებას და უმუშევრობის დაძლევას ითვალისწინებს.

„მთავარი რაც მოსახლეობას აწუხებს, შეუსრულებელი დაპირებებია. ჯანდაცვა ხელმიუწვდომელია. სოფელში დასაქმებული ვერავინ ვნახე. ჩვენი ხელისუფლებაში მოსვლისთანავე ჯანდაცვა ყველასთვის ხელმისაწვდომი იქნება. სოფლის მეურნეობაში ჩავდებთ ერთ მილიარდს და გლეხს ფეხზე დავაყენებთ“ - განაცხადა ალასანიამ.

მისივე თქმით, კოალიცია გამარჯვების შემთხვევაში, ქართულ-აფხაზური ურთიერთობის აღსადგენად ზუგდიდს ისტორიულ ფუნქციას შესძენს.