სააკაშვილის რეჟიმის მიერ მოკლული ბუტა რობაქიძის დედის, ია მეტრეველის განცხადებით, რომელიც მან ტელეკომპანია „იმედის“ ეთერში გააკეთა, ნარჩენი დამნაშავეები დღეს ისევ ყველგან არიან, განსაკუთრებით კი ძალოვან სტრუქტურებში.

„ბოლო პერიოდში განვიტარებულ მოვლენებში სწორედ ეს აისახა. აი ის სპეცრაზმელები მაშინვე, როგორც კი დავინახე, რომ დამიზნებით ესროდნენ, რათა თვალები ამოეთხარათ ახალგაზრდებისთვის, სწორედ ის გადმონაშთი სააკაშვილის რეჟიმის სპეცრაზმელები არიან. ჩვენ ვიხილეთ ვიდეოც, სააკაშვილი როგორ მოუწოდებს და როგორ ესაუბრა სპეცრაზმს. ამიტომ უნდა გაიწმინდოს და თქვენ კითხვა დასვით, როგორ უნდა დამთავრდეს ეს და იცით როგორ ? "ნაციონალური მოძრაობა" როგორც დამნაშავე პარტია უნდა აიკრძალოს და უნდა გამოცხადდეს რეჟიმად. ირმა ინაშვილმა რომ შეიტანა პარლამენტში მოთხოვნა ის რომ დაკმაყოფილებულიყო, დღეს ამ უბედურებას ავცდებოდით და თვალებდათხრილი ახალგაზრდები არ გვეყოლებოდა“-განაცხადა ია მეტრეველმა.