კოალიცია „ქართული ოცნების“ ლიდერები ამ წუთებში საქართველოში აკრედიტებული დიპლომატიური კორპუსისა და საერთაშორისო ორგანიზაციების წარმომადგენლებს ხვდებიან.

შეხვედრას კოალიციის მხრიდან ირაკლი ალასანია, მანანა კობახიძე, სოზარ სუბარი, გოგი თოფაძე, დავით საგანელიძე, მაია ფანჯიკიძე და სხვები ესწრებიან.

კოალიციის ლიდერები დიპლომატებს წარუდგენენ ინფორმაციას წინასაარჩევნოდ ქვეყანაში არსებული ვითარებისა და ხელისუფლების იმ ქმედებების შესახებ, რომელიც კოალიციის ლიდერთა განცხადებით, „ქართულ ოცნების“ წინასაარჩევნო კამპანიის ჩაშლისკენაა მიმართული.

შეხვედრამდე კომენტარები არც ერთი მხრიდან არ გაკეთებულა.