არასამთავრობო ორგანიზაციათა კოალიციაში „ჩვენი უფლებებისთვის“ შემავალი უფლებადამცველი არასამთავრობო ორგანიზაცია „საქართველოს დემოკრატიული პრინციპებისა და ადამიანის უფლებათა დაცვის კავშირი“ არჩევნებზე მონიტორინგს განახორციელებს.

როგორც „ნიუსპრესს“ არასამთავრობო ორგანიზაციათა კოალიციიდან აცნობეს, ორგანიზაცია - „საქართველოს დემოკრატიული პრინციპებისა და ადამიანის უფლებათა დაცვის კავშირი“ 2002 წლის არჩევნებიდან, 2010 წლის არჩევნების ჩათვლით ყველა არჩევნებზე შესაბამის მონიტორინგს ახორციელებდა და მას სათანადო პრაქტიკა და კვალიფიკაცია გააჩნია.

ორგანიზაცია მონიტორინგს წინასაარჩევნო, კენჭისყრის დღისა და არჩევნების შედეგების პროცესებზე განახორციელებს.

კოალიცია „ჩვენი უფლებებისათვის“ წარმომადგენლები უახლოეს მომავალში ოპოზიციურ პოლიტიკურ პარტიებთან შეხვედრას გეგმავენ, რათა მათგან იმ პრობლემებისა და დარღვევების შესახებ დეტალური ინფორმაცია მიიღონ, რაც წინასაარჩევნო პერიოდში გამოიკვეთა.