კოალიცია „ქართული ოცნების“ აქტივისტებს, რომლებიც დიდგორობის დღესასწაულზე მიდიოდნენ, ალკოჰოლის ზემოქმედების ქვეშ მყოფი ქალები მიუგზავნეს. ამის შესახებ „ნიუსპრესს“ კოალიციის ახალგაზრდული ორგანიზაციის ერთ-ერთმა ლიდერმა ცოტნე ზურაბიანმა განუცხადა.
"ადგილზე ამოიყვენეს ალკოჰოლის ზემოქმედების ქვეშ მყოფი ქალბატონები, რომლებსაც „ქართული ოცნების“ მაისურები ეცვათ,მათ ხელში 50 და 100 ლარიანები ეჭირათ და იძახდნენ, რომ დიდგორობაზე მოსასვლელად ფული გადაუხადეს. პოლიციამ ამ საქმეს ყურადღება მხოლოდ მას შემდეგ მიაქცია, რაც ჩვენი აქტივი გზის მეორე მხარეს გადავიყვანეთ. ეს იყო პროვოკაცია, თუმცა ძალიან მალე გაიშიფრნენ“-განაცხადა ზურაბიანმა.
მისივე თქმით კოალიცია „ქართული ოცნების“ აქტივისტები დიდგორში რამდენიმესაათიანი შეზღუდვის მერე მივიდნენ.
თეთრიწყაროს მუნიციპალიტეტში დღეს დიდგორობის დღესასწაულს აღნიშნავდნენ, რომელსაც საქართველოს პრეზიდენტიც დაესწრო.