ეკონომიკის მინისტრის პოსტზე გიორგი ქობულია ნათია თურნავამ შეცვალა. ბრძანებას პრემიერ-მინისტრმა გუშინ მოაწერა ხელი.

გიორგი ქობულია ეკონომიკის მინისტრის თანამდებობაზე გასული წლის ივლისში დაინიშნა.

საკადრო ცვლილებებთან დაკავშირებით მთავრობის ადმინისტრაციის ხელმძღვანელი, კახა კახიშვილი აცხადებს, რომ გადაწყვეტილება კონსულტაციის შედეგად მიიღეს, რომელიც მიმდინარეობდა როგორც გიორგი ქობულიასთან, ასევე დანიშვნის დროს ნათია თურნავასა და უმრავლესობის ლიდერებთან.

დავით სერგეენკოს თქმით, მინისტრების ცვლილებები წლების განმავლობაში სულ იყო და მომავალშიც გაგრძელდება.

"რაც შეეხება კონკუსლატიებს, ვიცოდი, რომ მიმდინმარეობდა, მაგრამ პირადად მე არ ვმონაწილეობდი.

კონსულტაციებზე წამოჭრილი არგუმენტები და ის ფაქტორები, რამაც ეს ცვლილებები განაპირობა, ჩემთვის უცნობია.

არ აქვს მნიშნველობა, რა გვარი იქნება მინისტრი, არამედ მნიშვნელოვანია, როგორ ვითარდება ესა თუ ის დარგი და ცვლილებებიც დარგების განვითარებისკენ იქნება მიმართული", - აღნიშნავს სერგეენკო.