"დემოკრატიულ მოძრაობაში" მიიჩნევენ, რომ პრეზიდენტმა პარლამენტში სიტყვით გამოსვლისას, უდანაშაულობის პრეზუმფცია დაარღვია.  "დემოკრატიული მოძრაობა - ერთიანი საქართველოს" სათათბიროს წევრის ბესო ტაბატაძის თქმით, სააკაშილმა დანაშაული ჩაიდინა, როდესაც სკოლის დირექტორებს მოუწოდა 53-ე სკოლიდან გარიცხული მოსწავლე, მიხეილ ალექსიძე არც ერთ სკოლაში არ მიიღონ.
"გუშინ პრეზიდენტმა კიდევ ერთ ბავშვს მოუსპო მომავალი" - განაცხადა ბესო ტაბატაძემ დღეს გამართულ ბრიფინგზე.
იგი გუშინდელ დებატებსაც შეეხო და აღნიშნა, რომ ოპოზიციამ რიგი საკითხების განხილვისგან თავი შეიკავა.
"მაშინ როდესაც ყველა უფლებათადამცველი და უცხოელი დამკვირვებელი ითხოვს 2011 წლის 26 მაისის მოვლენების გამოძიებას, გუშინ საპარლამენტო ოპოზიციას ამ საკითხზე არც ერთი შეკითხვა არ დაუსვამს. ასევე, არ უსაუბრიათ 100-ზე მეტ პოლიტპატიმარზე",- განაცხადა ტაბატაძემ.
იგი ჯონდი ბღათურიას მისამართით, პრეზიდენტის განცხადებასაც შეეხო და აღნიშნა რომ, ეს ქვეყნის პირველი პირის მხრიდან პირდაპირი მუქარა იყო.