საქართველოს შეიარაღებული ძალების ავღანეთში დისლოცირებულ სამშვიდობო ბატალიონებში საპარლამენტო არჩევნების ჩასატარებლად საუბნო კომისიების დაკომპლექტების მიზნით, დღეს ცენტრალურმა საარჩევნო კომისიამ კონკურსი გამოაცხადა.
სპეციალური ჯგუფები სამ-სამი წევრით დაკომპლექტდება.
ცესკო-ს ვებ-გვერდზე გამოქვეყნებული განცხადების თანახმად, კონკურსი 9 აგვისტომდე გასტანს.
კომისიის განმარტებით, პროპორციული წესით 1 ოქტომბრის საპარლამენტო არჩევნებში მონაწილეობის უზრუნველყოფისა და მათი საყოველთაო საარჩევნო უფლების რეალიზების უზრუნველყოფის მიზნით, ავღანეთში ქართულ ბატალიონებში მომსახურე პერსონალისთვის, ჰელმ,ანდის ორი საარჩევნო უბანი შეიქმნა - „შუკვანი”, სადაც ქაბულის ბაზაზე მყოფი ამომრჩევლები გადასატანი საარჩევნო ყუთის მეშვეობით მისცემენ ხმას და მეორე - „ბ - ასეულის ბაზა”.
კონკურსში მონაწილეებმა ვაკანტური ადგილების დასაკავებლად უნდა წარადგინონ 2 ფოტოსურათი, საქართველოს მოქალაქის პირადობის მოწმობის ქსეროასლი და თანხმობა სპეციალური ჯგუფის წევრად ყოფნაზე.
პრეზიდენტის განკარგულებით, საქართველოს საპარლამენტო არჩევნები 2012 წლის 1 ოქტომბერს გაიმართება. ავღანეთში კი, ორივე უბანზე, საპარლამენტო არჩევნები ერთი კვირით ადრე გაიმართება.