საქართველოს საგანგებო და სრულუფლბლებიანმა ელჩმა ნიდერლანდების სამეფოში, გიორგი შარვაშიძემ ნიდერლანდების საერთაშორისო ურთიერთობების ინსტიტუტის, კლინგენდაელის აკადემიის პრეზიდენტთან, რონ ტონთან და მკვლევართან, იან მარიუს ვიერსმასთან შეხვედრა გამართა.

საგარეო უწყების ცნობით, შეხვედრაზე მხარეებმა თანამშრომლობის გაღრმავების საკითხები და კლინგენდაელის ინსტიტუტთან ერთად მომავალში ერთობლივი საჯარო ღონისძიებების გამართვის შესაძლებლობა განიხილეს. ამ კონტექსტში განსაკუთრებით აღინიშნა აღმოსავლეთ პარტნიორობის 10 წლისთავი, რომელსაც როგორც ევროკავშირში, ისე საქართველოში არაერთი ღონისძიება მიეძღვნება.

საქართველოს ელჩმა მადლობა გადაუხადა კლინგენდაელის აკადემიას აღმოსავლეთ პარტნიორობის წევრი ექვსი ქვეყნის დიპლომატებისთვის სასწავლო კურსების ყოველწლიურად ორგანიზებისათვის. სასწავლო კურსები ახალგაზრდა ქართველ დიპლომატებს საშუალებას აძლევთ გაიღრმავონ ცოდნა და გაეცნონ საერთაშორისო დიპლომატიის გამოწვევებს.

ყოველ წელს კლინგენდაელის აკადემია 600–ზე მეტი დიპლომატისთვის, რომლებიც მსოფლიოს 70 ქვეყნიდან არიან, სასწავლო კურსებს ატარებს .