საქართველოს პარლამენტის თავმჯდომარის, ირაკლი კობახიძის ავსტრიაში ვიზიტს გამოცემა Tiroler Tageszeitung-ი ეხმაურება.

პუბლიკაციაში აღნიშნულია, რომ ავსტრიის ეროვნული საბჭოს (პარლამენტის პირველი პალატა) პირველი პრეზიდენტი ვოლფგანგ სობოტკა საქართველოსა და ევროკავშირს შორის ურთიერთობების კიდევ უფრო გაღრმავების სურვილს გამოთქვამს. მისი განცხადებით,  „ევროკავშირთან ურთიერთობების გაღრმავება ხელს შეუწყობს სტაბილურობას სამეზობლოში, რაც ორივე მხარისთვის სასიცოცხლო ინტერესს წარმოადგენს“.

„საქართველო აღმოსავლეთ პარტნიორობის მნიშვნელოვან ნაწილს წარმოადგენს. სობოტკამ განსაკუთრებული ყურადღება ყოფილი საბჭოთა რესპუბლიკის მდებარეობაზე გაამახვილა „ შესასვლელი კარიბჭე სამხრეთ კავკასიისა და ცენტრალური აზიის რეგიონში“ და დაახასიათა საქართველო, როგორც ევროკავშირის აღმოსავლეთ პარტნიორობის „მოწინავე“ ქვეყანა. ასევე დასძინა, რომ მნიშვნელოვანია ქვეყანამ შეინარჩუნოს რეფორმების პროგრესი.

ავსტრიის ეროვნული საბჭოს ადმინისტრაციის ინფორმაციით, საქართველოსა და ავსტრიის რესპუბლიკას ტრადიციულად მჭიდრო საპარლამენტო ურთიერთობები და ფართო ორმხრივი თანამშრომლობა აკავშირებთ, რისი დასტურიც 2016 წელს თბილისში ავსტრიის რესპუბლიკის საელჩოს გახსნა გახლავთ.

სავაჭრო ურთიერთობები, წინა წელთან შედარებით 60 %-ით გაიზარდა, ასევე არსებობს ქვეყნებს შორის თანამშრომლობის პოტენციალი, განსაკუთრებით ტურიზმისა და განათლების სფეროში.

დღესდღეისობით საქართველოში ავსტრიის განვითარების სააგენტო (ADA), Tiroler Tageszeitungრომელიც 2011 წლიდან საქართველოში საქმიანობს და რომელის ერთ-ერთ სამიზნე ქვეყანას სწორედ საქართველო წარმოადგენს ოთხი ეკონომიკური მისია აქვს“ - აღნიშნულია პუბლიკაციაში.