საქართველოს საგარეო საქმეთა მინისტრი დავით ზალკალიანი გერმანიის ფედერალური კანცლერის მრჩეველს საგრეო და უსაფრთხოების საკითხებში იან ჰეკერს შეხვდა.

შეხვედრაზე მხარეებმა მაღალი შეფასება მისცეს საქრთველო-გერმანიის ურთიერთობას, რომელსაც ახალი იმპულსი და სიღრმეები შესძინა ფედერალური კანცლერის ანგელა მერკელის ვიზიტმა საქართველოში. მათი შეფასებით, წარმატებული თანამშრომლობის კიდევ ერთი გამოხატულებაა საქართველოს პრეზიდენტის სალომე ზურაბიშვილის დაგეგმილი ვიზიტი გერმანიის ფედერაციულ რესპუბლიკაში, რომელიც მომავალ კვირას განხორციელდება.

შეხვედრაზე მაღალი შეფასება მიეცა ქართული მხარის ინიციატივით დაფუძნებულ გერმანია-საფრანგეთი-საქართველოს სამმხრივ დიალოგს, რომლის პირველი შეხვედრაც გასულ წელს, პარიზში გაიმართა და იმედი გამოითქვა, რომ აღნიშნული ფორმატი წარმატებულ გაგრძელებას ჰპოვებს და რეგულარულ ხასიათს მიიღებს.

საქართველოს საგარეო საქმეთა მინისტრმა აღნიშნა გერმანიის მხარდაჭერის მნიშვნელობა საქრთველოს ევროპული და ევრო-ატლანტიკური ინტეგრაციის მიმართ, რომლის შედეგადაც საქართველომ ხელშესახებ წარმატებებსა და პროგრესს მიაღწია ამ გზაზე. ასევე ხაზი გაესვა გერმანიის მხრიდან საქრთველოს სუვერენიტეტისა და ტერიტორიული მთლიანობის ურყევ მხარდაჭერას.

საქართველოს სგარეო უწყების ხელმძღვანელმა ფედერალური კანცლერის მრჩეველს ინფორმაცია მიაწოდა საქართველოს ოკუპირებულ რეგიონებში არსებული რთული ჰუმანიტარული და უსაფრთხოების გარემოს შესახებ. საუბარი ასევე შეეხო საქრთველოს ევროპული და ევრო-ატლანტიკირი ინტეგრაციის მიზნებსა და ამ მხრივ სამონავალი გეგმებს.

შეხვედრაზე გერმანულ მხარეს მიეწოდა ინფორმაცია რეგიონალური მასშტაბის სტრატეგიულ ინფრასტრუქტურულ პროექტებზე, რომლებშიც საქართველო არის ჩართული. მხარეები მიესალმნენ ევროკავშირის მხრიდან ტრანსევროპულ სატრანსპორტო ქსელის საინვესტიციო გეგმაში საქართველოს ინფრასტრუქტურული პროექტების ჩართვას, რაც მნიშვნელოვანი გზავნილია ევროკავშირის მხრიდან და ხაზს უსვამს საქართველოს მნიშვნელოვან გეოსტრატეგოულ სატრანზიტო ფუნქციას ევროკავშირისთვის.