Newspress - ნინო წილოსანი: დარწმუნებული ვარ, შსს-ს ადამიანის უფლებათა დაცვის დეპარტამენტის ფუნქციების გაზრდა, გამოძიების მონიტორინგის კუთხითაც წარმატებული იქნება

ორ	სა	ოთ	ხუ	პა	შა	კვ
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30

ორ

სა

ოთ

ხუ

პა

შა

კვ

საპარლამენტო უმრავლესობის წევრმა, ნინო წილოსანი შინაგან საქმეთა სამინისტროს ადამიანის უფლებათა დაცვისა და გამოძიების ხარისხის მონიტორინგის დეპარტამენტის მუშაობას დადებითად აფასებს და აღნიშნავს, რომ ამ დეპარტამენტის ფუნქციების გაზრდა, გამოძიების მონიტორინგის კუთხით, წარმატებული იქნება.

„შსს-ს მიერ ადამიანის უფლებების მიმართულებით მუშაობა დადებითად უნდა შეფასდეს. ეს ერთ-ერთი იმ ეფექტური რეფორმების ნაწილია, რომელიც უზრუნველყოფს საზოგადოების ნდობის გაზრდას სამინისტროს საქმიანობის მიმართ.

ამასთან ერთად, უნდა აღინიშნოს, რომ, ადამიანის უფლებათა დაცვის დეპარტამენტის მიერ განხორციელებული რეფორმების პარალელურად, არაერთი მნიშვნელოვანი საკანონმდებლო პაკეტის ინიცირება მოხდა. მათი უშუალო ჩართულობით და ქალთა მიმართ ძალადობის მიმართულებით, ისინი ეფექტურ რეაგირებას ახდენენ გამოძიების ეტაპზეც. შესაბამისად, დეპარტამენტის საქმიანობის ძირითადი მიზანია, როგორც გამოძიების ეტაპზე საქმიანობის ეფექტური წარმართვა, ასევე პრევენციული ღონისძიებების შემუშავება. დარწმუნებული ვარ, დეპარტამენტის ფუნქციების გაზრდა ასევე იქნება წარმატებული გამოძიების მონიტორინგის კუთხით“ - აღნიშნა ნინო წილოსანმა.