პოლონეთი- საქართველოს საგარეო საქმეთა მინისტრის მოადგილემ ალექსანდრე ხვთისიაშვილმა შეხვედრა გამართა პოლონეთის საგარეო საქმეთა მინისტრის მოადგილესთან მაჩეი ლანგთან. შეხვედრისას მიმოხილული იქნა, ორმხრივი და მრავალმხრივი თანამშრომლობის ფართო სპექტრი.

ვიზიტის ფარგლებში, საქართველოს საგარეო საქმეთა სამინისტროს წარმომადგენლები ეწვივნენ პოზნანის მეცნიერებისა და ტექნოლოგიების პარკს, სადაც შეხვდნენ პარკის ხელმძღვანელობას და განიხილეს ტექნოლოგიების როლი ბიზნესის წარმატებით მართვის და ეკონომიკური განვითარების კუთხით.

ვიზიტის ფარგლებში, საგარეო საქმეთა მინისტრის მოადგილემ ალექსანდრე ხვთისიაშვილმა, საქართველოს საგანგებო და სრულუფლებიან ელჩთან, ილია დარჩიაშვილთან ერთად პატივი მიაგო პოზნანის იუნიკოვოს სასაფლაოზე ქართველი იუნკერის, პოლონეთის არმიის საკონტრაქტო ოფიცრის, ვიცე-პოლკოვნიკის პლატონ თაყაიშვილის (1899-1955) და მისი მეუღლის, იანინა თაყაიშვილის საფლავებს.