საქართველოს პრეზიდენტის მიხეილ სააკაშვილის მიერ რეგიონებში მოსახლეობასთან გამართულ შეხვედრებს უცხოური პრესაც ეხმიანება.
როგორც Eurasianet-ი წერს, პროსამთავრობო ნაციონალურ საინფორმაციო არხებზე არცერთი საინფორმაციო გამოშვება არ ჩაივლის ისე, რომ არ გავიდეს კადრები მიხეილ სააკაშვილის მონაწილეობით, რომელიც „როგორც წესი ბედნიერებისგან გაბრწყინებულ მორიგ ბებიას ეხვევა“.
ფოტო ერთ-ერთი ასეთი გამოსახულებით, სოციალურ ქსელ „Facebook“-ში რუსულმა ჟურნალმა snob.ru-მ პუტინის ფოტოსთან ერთად, კოლაჟის სახით გამოაქვეყნა, რომელიც თვითმფრინავიდან ყურადღებით აკვირდება წყალდიდობით გამოწვეულ ზარალს.
Eurasianet-ი წერს, რომ აღნიშნული ფოტოს ირგვლივ ცხარე დისკუსია გაიმართა - ნაწილი სააკაშვილს ადიდებდა, რომელსაც ხალხის დასახმარებლად დასველებისაც კი არ შეეშინდა, ხოლო ნაწილი პუტინის ქცევას ამართლებდა და მის თავშეკავებულ ქმედებას უპირატესობას ანიჭებდა.
სტატიის თანახმად, მიხეილ სააკაშვილის მიმართ მანიით არიან შეპყრობილები ოპოზიციური არხებიც, რომლებიც მას ყველაფერში ადანაშაულებენ, ბუნებრივი კატასტროფებიდან დაწყებული უიღბლო ქორწინებებით დამთავრებული.
“Eurasianet”-ი ასევე, წერს, რომ თუკი ქართული არხები მართლაც შეეცდებიან რეპორტაჟების მომზადებას და იმის ანალიზს რასაც აჩვენებენ, ქვეყანა და მათ შორის ბებიებიც, ამით მხოლოდ მოიგებენ.