პოლიტიკური კოალიცია „ქართული ოცნების“ ლიდერები ბათუმის აქციის მოსამზადებლად, აჭარის მოსახლეობასთან შეხვედრებს მართავენ.

ამის შესახებ კოალიციის პრესსპიკერმა მაია ფანჯიკიძემ ჟურნალისტებს დღეს გამართულ პრესკონფერენციაზე განუცხადა.

„კოალიციის ლიდერების ნაწილი უკვე აჭარაში იმყოფება და მოსახლეობასთან შეხვედრებს მართავს“ - აღნიშნა ფანჯიკიძემ.

მისივე თქმით, ბათუმში დაგეგმილი აქციის გამო, „ქართული ოცნების“ ტრადიციული ბრიფინგი ორშაბათის ნაცვლად, სამშაბთს ჩატარდება.

კოალიციის წინასაარჩევნო აქცია 5 აგვისტოს ბათუმში, 19:00 საათზე „ანბანის კოშიკის“ მიმდებარე ტერიტორიაზე დაიწყება.

აქციაზე „ქართული ოცნების“ ლიდერი ბიძინა ივანიშვილი ბათუმელებს კოალიციის პროგრამას გააცნობს.

„ქართული ოცნების“ წინასაარჩევნო აქციები უკვე ჩატარდა ქუთაისში, თბილისში, მცხეთაში, ოზურგეთსა და გორში.