პოლიტიკური კოალიცია „ქართული ოცნების“ პრესსპიკერის მაია ფანჯიკიძის განცხადებით, კახეთში სტიქიის შედეგად თითო ოჯახზე მიყენებული ზარალი მინიმუმ 5 ათასი ლარია.

როგორც ფანჯიკიძემ დღეს გამართულ პრესკონფერენციაზე აღნიშნა, 1 500 ლარი, რომელსაც ხელისუფლება „საუკეთესო შემთხვევაში“ სთავაზობს მოსახლეობას, დაზარალებულებს მდგომარეობას არ შეუმსუბუქებს.

„კახეთში ვნახეთ ვენახები და ხეხლის ბაღები, რომელთაც ქერქი აქვს გაცლილი, ეს ნიშნავს, რომ ის გახმება. ვაზიც და ბაღებიც ხელახლაა გასაშენებლი, რაც დაახლოებით 3-4 წელი მოსავალს ვერ მოიტანს. ამიტომ, არც 1 500 ლარი და არც კრედიტების ერთი წლით გადავადება, არაფერს შეცვლის“ - აღნიშნა ფანჯიკიძემ.

მისივე თქმით, კოალიცია მოსახლეობის ზარალს სპეციალური კითხვარის მიხედვით ადგენს. ამ დროისთვის არსებული მონაცემებით, ზარალის ოდენობა 5 ათასიდან ათობით ათას ლარამდეა.

„ჩვენი მაჟორიტარობის კანდიდატები კახეთაში მოსახლეობასთან შეხვედრებს განაგრძობენ და ინფორმაციას აწვდიან ბიძინა ივანიშვილის მიერ მათ დასახმარებლად გამოყოფილი 80 მილიონი ლარის შესახებ“ - აღნიშნა კოალიციის პრესსპიკერმა.

მისივე თქმით, „ქართული ოცნება“ ივანიშვილის მიერ გამოყოფილი თანხის თითოეული თეთრის ხარჯვის მონიტორნგს განახორცილებს, რომ მოსახლეობას ზარალი სრულად აუნაზღაურდეს.