იურიდიულ საკითხთა კომიტეტის თავმჯდომარე ეკა ბესელია ევროკავშირის პროექტის ხელმძღვანელს, მოსამართლე რენატე ვინტერს შეხვდა.



მხარეებმა ისაუბრეს საქართველოს უზენაესი სასამართლოს მოსამართლეების კანდიდატების შერჩევის პროცედურებზე და მართლმსაჯულების რეფორმის გაგრძელებისა და ევროკავშირის მხრიდანრეფორმის მხარდაჭერის საკითხებზე.



„კონსტიტუციური ცვლილებებიდან გამომდინარე, მომავალი წლიდან დაიწყება პროცესი, რომელიც უზენაეს სასამართლოში მოსამართლეთა კანდიდატების შერჩევას ეხება. ვისაუბრეთ იმ კრიტერიუმებზე,რომლითაც უნდა მოხდეს ამ საკითხებზე მუშაობა და აგრეთვე, პარლამენტის ახალი რეგლამენტის იმ მუხლებზე, რომლითაც იხელმძღვანელებს კომიტეტი, როდესაც ეს პროცესი დაიწყება.



შეხვედრაზე განვიხილეთ მართლმსაჯულების რეფორმის გაგრძელების საკითხებიც იმ ფორმატში, რომელშიც ევროკავშირია ჩართული. ქალბატონი რენატე ვინტერი, რომელიც ევროკავშირის ექსპერტია,ძალიან დიდი დახმარებას უწევს საქართველოს მართლმსაჯულების რეფორმის განხორციელებაში“,-განაცხადა შეხვედრის კომენტირებისას იურიდიულ საკითხთა კომიტეტის თავმჯდომარემ, ეკა ბესელიამ.