„ქრისტიან-დემოკრატების“ ერთ-ერთი ლიდერი გიორგი ახვლედიანი ხელისუფლებისგან სვანეთში მცირე და საშულო ბიზნესის ხელშეწყობას მოითხოვს.  
ამის შესახებ ახვლედიანმა დღეს, სვანეთში მოსახლეობასთან წინაასარჩევნო კამპანიის ფარგლებში გამართულ შეხვედრაზე განაცხადა.
დეპუტატის თქმით, სვანეთში მცირე და საშუალო ბიზნესის ხელშეწყობის მიზნით აუცილებელია ხელისუფლებამ მოსახლეობას გრძელვადიანი და დაბალპროცენტიანი კრედიტები გამოუყოს.
„სვანეთში ტურისტების მოზღვავების ფონზე ძალიან მძიმე ვითარებაში აღმოჩნდნენ თავად მესტიის მუნიციპალიტეტში მცხოვრები ოჯახები, რადგან მათ არ აქვთ არავითარი საშუალება იმისა, რომ ტურისტებს შესაბამისი ინფრასტრუქტურა დაახვედრონ“ - გიორგი ახვლედიანმა.
მისივე ინფორმაციით, სვანეთის მოსახლეობას საშუალება არ ეძლევა, რომ გრძელვადიანი და დაბალპროცენტიანი კრედიტები აიღონ და საოჯახო სასტუროები და სხვა ობიექტები მოაწყონ.
ამასთან, ახვლედიანის თქმით, „ნაციონალური მოძრაობა“ მხოლოდ იმ ადამიანებისთვის ქმნის „სასათბურე პორობებს“, რომლებიც ადგილობრივი გამგეობის წევრები და მათთან დახლოებული პირები არიან.