საქართველოს პარლამენტის რეგიონული პოლიტიკის და თვითმმართველობის კომიტეტის თავმჯდომარე ზაზა გაბუნია, პრემიერ მინისტრის მიერ სპეციალურ ბრიფინგზე გაკეთებულ განცხადებას ეხმაურება.

ზაზა გაბუნიას თქმით, ეს გადაწყვეტილება აჩვენებს, რომ ხელისუფლება არის ხალხის, რადგან ასეთი მნიშვნელობის და მასშტაბის სახალხო გადაწყვეტილება არ მიუღია არცერთ ხელისუფლებას საქართველოში.

ძალიან მნიშვნელოვანი და აღსანიშნავია ამ საქმეში ფონდ "ქართუ"-ს მონაწილეობა და სასიკეთო გავლენა საკითხის ხალხის სასარგებლოდ გადაწყვეტაში.

დღევანდელი გადაწყვეტილებით 600 000-ზე მეტი მოქალაქის ფინანსური ვალდებულებები ბანკების, ონლაინორგანიზაციების თუ სხვადასხვა საფინანსო ინსტიტუტის მიმართ, რომელიც ჯამში შეადგენს დაახლოებით მილიარდნახევარ ლარს უნულდება ჩვენს მოქალაქეებს.