საქართველოს საგარეო საქმეთა მინისტრმა, დავით ზალკალიანმა დანიის სამეფოში ვიზიტის ფარგლებში დანიის სამეფოს მიგრაციისა და ინტეგრაციის მინისტრთან, ინგერ სტოიბერგთან შეხვედრა გამართა.

საგარეო საქმეთა სამინისტროს პრესსამსახურის ცნობით, შეხვედრაზე მხარეებმა მიგრაციის საკითხებზე საქართველო - დანიის თანამშრომლობის შესახებისაუბრეს. დანიის მხრიდან საქართველოს მთავრობის მიერ გატარებულ ზომებს ევროკავშირის/შენგენის ზონაში უვიზო მიმოსვლის წესების დარღვევისა და თავშესაფრის მაძიებლის სტატუსის ბოროტად გამოყენების მცდელობების პრევენციის მიზნით მაღალი შეფასება მიეცა. ასევე, საქართველოსა და დანიას შორის საპოლიციო სფეროში არსებული თანამშრომლობა დადებითად შეფასდა.

შეხვედრაზე განხილულ იქნა დანიის მხრიდან საქართველოს უსაფრთხო წარმოშობის ქვეყნების სიაში შეყვანის საკითხი. აღინიშნა, რომ საქართველოს ამ მიმართულებით მნიშვნელოვანი მიღწევები აქვს და ევროკავშირის წვერი სახელმწიფოების ნაწილის მხრიდან უკვე უსაფრთხო ქვეყნადაა აღიარებული.

მხარეები შეთანხმდნენ, მიგრაციის საკითხებთან დაკავშირებით მომავალშიც აქტიურად ითანამშრომლონ, მათ შორის ამ მიმართულებით თემატური ვიზიტები და შეხვედრები განახორციელონ.