დარგობრივი ეკონომიკისა და ეკონომიკური პოლიტიკის კომიტეტის სხდომაზე პარლამენტის წევრმა დავით სონღულაშვილმა კოლეგებს პირველი მოსმენით განსახილველად წარუდგინა კანონპროექტი „პროდუქტის უსაფრთხოებისა და თავისუფალი მიმოქცევის კოდექსში“ ცვლილების შეტანის შესახებ“ და „პროდუქტის უსაფრთხოებისა და თავისუფალი მიმოქცევის კოდექსში“ ცვლილების შეტანის შესახებ“ ცვლილების შეტანის თაობაზე“.

პარლამენტის პრესსამსახურის ცნობით, კანონპროექტის მიხედვით, შესაბამისი ცვლილება „პროდუქტის უსაფრთხოებისა და თავისუფალი მიმოქცევის კოდექსში” შედის და 103 მუხლის 31-ე ნაწილში მითითებული კანონქვემდებარე ნორმატიული აქტების დამტკიცების ვადად ნაცვლად 2019 წლის 1-ლი იანვრისა განისაზღვრება 2018 წლის 5 ნოემბერი.

დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, რომან კაკულია დაინტერესდა რამ განაპირობა ვადის გადმოწევა, მაშინ როდესაც პრაქტიკულად პირიქით ხდება ხოლმე თარიღის გადავადება.

„პროდუქტის უსაფრთხოებისა და თავისუფალი მიმოქცევის კოდექსში“ ცვლილება განაპირობა, ერთი მხრივ მთავრობის მზადყოფნამ მის შესასრულებლად და მეორე მხრივ, ბაზარზე არსებულმა გამოწვევამ კონკრეტულად სამშენებლო პროდუქტებთან მიმართებაში. მთავრობამ შემუშავა დადგენილების პროექტი სამშენებლო პროდუქტების უსაფრთხოების შესახებ, რაც მოიაზრებს ბაზარზე სამშენებლო პროდუქტის რეგულაციის დაწყებას და იმისთვის, რომ ეს პროცესი შეუფერხებლად წარიმართოს საჭიროა კოდექსის დროულად ამოქმედება“, - განაცხადა ტექნიკური და სამშენებლო ზედამხედველობის სააგენტოს უფროსის მოადგილემ, რატი ობოლაძემ კომიტეტმა მხარი დაუჭირა წარმოდგენილი ცვლილების პლენარულ სხდომაზე განხილვას.