საპარლამენტო უმრავლესობის წევრის, გიორგი კახიანის განცხადებით, კანონმდებლობის მიხედვით, პრეზიდენტს მთავრობის სხდომაზე ცალკეულ საკითხთა განხილვის მოთხოვნის უფლება აქვს.

“მოქმედი კანონმდებლობის მიხედვით, პრეზიდენტს აქვს მთავრობის სხდომაზე ცალკეულ საკითხთა განხილვის მოთხოვნის უფლება. კონსტიტუციამ პრეზიდენტის უფლება საკითხის მოთხოვნას დაუკავშირა. ეს ნიშნავს იმას, რომ პრეზიდენტს ამ უფლებას ვერავინ წაართმევს, თუმცა გადაწყვეტილებას, თუ რა საკითხების განხილვა მოხდება მთავრობის სხდომაზე პრემიერ-მინიტრი იღებს და თავად მთავრობა არის უფლებამოსილი განსაზღვროს დღის წესრიგი.

არც ერთი ნორმა არ აკონკრეტებს მთავრობის ვალდებულებას პრეზიდენტის მიერ მოთხოვნილი ყველა საკითხი განიხილოს მის სხდომაზე, ასეთი იმპერატიული ჩანაწერი არ არსებობს. ამ გადაწყვეტილების მიღება მთავრობის დისკრეციაა“, - განაცხადა გიორგი კახიანმა.

საქართველოს პრეზიდენტმა, გიორგი მარგველაშვილმა გუშინ გამართულ ბრიფინგზე პრემიერ-მინისტრის, მამუკა ბახტაძეს საგანგებო მთავრობის სხდომის მოწვევისკენ მოუწოდა.