საპარლამენტო უმრავლესობის დეპუტატი, გუგული მაღრაძე ეხმაურება გავრცელებულ ინფორმაციას, რომლის თანახმად, სამართალდამცველების მიერ დაკავებული პენიტენციური სისტემის თანამშრომელი მისი ნათესავია.

"მინდა გამოვეხმაურო ერთ-ერთი მედია საშუალების მიერ დღეს გავრცელებულ კიდევ ერთ ყალბ ინფორმაციას ჩემ შესახებ, რომ "ციხის თანამშრომელი, რომელმაც მირზა სუბელიანის ჩანაწერი თავის თავზე აიღო გუგული მაღრაძის დისშვილია“. აღნიშნული ინფორმაციის წყარო არის ელისო კილაძე. გაცნობებთ, რომ ეს გახლავთ დეზინფორმაცია და საზოგადოების შეცდომაში შეყვანა ჩვენი ოპონენტების მხრიდან, რადგან მე საერთოდ არ მყავს და, დისშვილი ან ძმისშვილი. მოვუწოდებ ყველა მედია საშუალებას გადაუმოწმებელი ინფორმაციის გავრცელებისგან თავი შეიკავონ"-განაცხადა მაღრაძემ.