"საჯარო და კერძო ადმინისტრირების კვლევის და მონიტორინგის ცენტრის” ხელმძღვანელის, თამარ გუდავას განცხადებით, გარკვეული სტერეოტიპები მკვიდრდება, რომ არასამთევრობოებისა და კონკრეტული ტელევიზიების კრიტიკაზე ინდულგენციაა.

მისივე თქმით, მესამე სექტორი ყოველთვის რეაგირებს სხვადასხვა სახის აგრესიულ, ჰომოფობიურ გამონათქვამებზე რისი მოლოდინი ამჯერადაც იყო.

"მედიაც და მესამე სექტორიც უნდა იყვნენ საზოგადოებრივი და არა, ვიწროპოლიტიკური ინტერესების დამცველები. ამავე დროს, გარკვეული სტერეოტიპები მკვიდრდება, რომ არასამთავრობოებისა და კონკრეტული ტელევიზიების კრიტიკაზე ინდულგენციაა.

საზოგადოებაც და ხელისუფლებაც ნიკა გვარამიას აგრესიით სავსე სტატუს-მიმართვაზე არასამთავრობოების ერთი ნაწილის მწვავე რეაქციას ელოდა, თუმცა ეს არ მოხდა. სწორედ ამას მოჰყვა პარლამენტის თავმჯდომარის კრიტიკა, რაც შემდეგ, მესამე სექტორის მხრიდან არასამთავრობოების დელეგიტიმაციის მცდელობად შეფასდა. პარლამენტის თავმჯდომარის კრიტიკა კი, მე ვფიქრობ, ობიექტურობისკენ და მეტი აქტივობისკენ მოწოდება იყო,“ - განაცხადა გუდავამ.

მისივე თქმით, დემოკრატიის მთავარი პინციპები, როცა ერთის აზრის გამოხატვით, მეორის უფლება ილახება, არ უნდა დაირღვეს. მით უფრო, დაუშვებელია საკუთარი აზრის სიძულვილის ენით გამოხატვა.

„როცა საზოგადოება ხედავს, რომ ზოგიერთი არასამთავრობო ორგანიზაციის მხრიდან ამა თუ იმ მოვლენის შეფასება შერჩევით ხდება, საზოგადოება დასკვნებს თავად აკეთებს. ნდობის მაღალი ხარისხისთვის, მიუკერძოებლობა და ობიექტური შეფასება უმთავრესია და ამას თეორიულ ცოდნასთან ერთად, პრაქტიკაში განხორცილებას სჭირდება,”- განაცხადა თამარ გუდავამ.