საქართველოს საგარეო საქმეთა მინისტრის მოადგილე, გიორგი შარვაშიძე ფიჯის რესპუბლიკის თავდაცვისა და ეროვნული უსაფრთხოების მინისტრს, რატუინო კეკუბუაბოლას შეხვდა, რომელიც ოფიციალური ვიზიტით იმყოფება საქართველოში.

საგარეო უწყების პრესსამსახურის ინფოირმაციით, შეხვედრის დროს მხარეებმა განიხილეს ორმხრივი ურთიერთობები და თანამშრომლობის გაღრმავების პერსპექტივები მთელი რიგი მიმართულებით. კერძოდ, გამოითქვა სავაჭრო-ეკონომიკური, განათლებისა და სპორტის სფეროებში გააქტიურების, ასევე, პარლამენტებს შორის მჭიდრო კონტაქტების დამყარებისა და საპარლამენტო მეგობრობის ჯგუფების ჩამოყალიბების სურვილი.

ამასთან, აღინიშნა, რომ კვლავ გაგრძელდება ორ ქვეყანას შორის პოლიტიკური დიალოგი საქართველოსა და ფიჯის რესპუბლიკის საგარეო საქმეთა სამინისტროებს შორის პოლიტიკური კონსულტაციების ფარგლებში.

ფიჯის რესპუბლიკის თავდაცვისა და ეროვნული უსაფრთხოების მინისტრმა კიდევ ერთხელ დაადასტურა თავისი ქვეყნის ხელისუფლების მხარდაჭერა საქართველოს სუვერენიტეტისა და ტერიტორიული მთლიანობის მიმართ.

ასევე, შედგა ლექცია საქართველოს საგარეო საქმეთა სამინისტროსთან არსებულ ლევან მიქელაძის სახელობის დიპლომატიურ სასწავლო და კვლევით ინსტიტუტში, სადაც სტუმარმა მიმოიხილა ფიჯის რესპუბლიკაში მიმდინარე მოვლენები, მათ შორის ა.წ. ნოემბერში დაგეგმილი საპარლამენტო არჩევნებისთვის მზადება, ასევე ოკეანეთის რეგიონში არსებული მდგომარეობა და მეზობლებთან ურთიერთობები.