სახელმწიფო შესყიდვების შესახებ განახლებული კანონმდებლობის შემუშავების და ამ პროცესში ევროკავშირის დირექტივების გათვალისწინების შესახებ იმსჯელეს დღეს სასტუმრო „ჰუალინგ თბილისში“ გამართულ შეხვედრაზე.

სამუშაო შეხვედრა პარლამენტის დარგობრივი ეკონომიკისა და ეკონომიკური პოლიტიკის კომიტეტის ინიციატივით გაიმართა.

შეხვედრაზე ყურადღება გამახვილდა სახელმწიფო შესყიდვების სრულიად განახლებულ კანონმდებლობაში ევროკავშირის დირექტივებით გათვალისწინებულიცვლილებების განხორციელებაზე. შეხვედრის მონაწილეებმა იმსჯელეს საჯარო შესყიდვების სფეროში არსებული ხარვეზების და ახალი კანონმდებლობის შემუშავებისასძირითადი პრინციპების, დებულებების, მიდგომების გათვალისწინების თაობაზე. ასევე, განიხილეს გამოწვევების გადაჭრის გზები.

შეხვედრა გახსნა დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ.
„დღევანდელ შეხვედრაზე ვმსჯელობთ კანონპროექტთან დაკავშირებით, რომელიც ახლო მომავალში უნდა შემოვიდეს და მის ავტორებთან და დაინტერესებულპირებთან ერთად განვიხილავთ თემას, რომელსაც სახელმწიფო შესყიდვები ჰქვია. ეს არის თემა, რომელიც მთლიან შიდა პროდუქტთან მიმართებაში 10%-ს წარმოადგენსდა ამ თემის მნიშვნელობა ამ ციფრიდანაც ჩანს. ძალიან მნიშვნელოვანია ჩვენ ამ კანონმდებლობით ვუპასუხოთ იმ გამოწვევებს, როგორიც არის კერძო სექტორისმხარდაჭერისათვის აუცილებელი სტრატეგიის შემუშავება. ამ პროცესში მნიშვნელოვანია, რომ თავად შესყიდვების პროცესი იყოს თანხვედრაში ზოგადად ეკონომიკურპოლიტიკასთან, რომელიც ქვეყანას გააჩნია. ყოველთვის მნიშვნელოვანია სისტემა ანტიკორუფციული თვალსაზრისით იყოს გამჭვირვალე, რადგან საზოგადოებასყოველთვის აქვს შეკითხვები კორუფციულ რისკებთან დაკავშირებით. ჩვენი მიზანია სწორედ მაქსიმალურად იყოს დაცული სისტემა ამ რისკებისგან“, - განაცხადა რომან კაკულიამ.
მისივე თქმით, - „ყველაზე მნიშვნელოვანია მცირე და საშუალო ბიზნესი, რომლის განვითარებაც ჩვენი ეკონომიკური პოლიტიკის ქვაკუთხედია, ამის დანახვაც მომავალკანონმდებლობაში აუცილებლად უნდა მოხდეს. ასევე არ უნდა დაგვავიწყდეს, რომ ევროკავშირის შესაბამის რეგულაციებთან ჰარმონიზაციის ვალდებულება გვაქვს დაამ გამოწვევების მოგვარება სწორედ ამ კანონმდებლობაში უნდა მოხდეს“.

დარგობრივი ეკონომიკისა და ეკონომიკური პოლიტიკის კომიტეტის წევრმა, ნინო წილოსანმა დღევანდელი შეხვედრის მნიშვნელობაზე საუბრისას განაცხადა, „ძალიან კარგიპრეცედენტია, როდესაც შესყიდვების სააგენტოს მხრიდან ინიცირებული კანონის წერის პროცესში ერთვება პარლამენტი, დღევანდელ შეხვედრაზე უცხოელ ექსპერტთანერთად ბევრ სხვა მნიშვნელოვან საკითხთან ერთად ვიხილავთ რომელ სტრუქტურულ ერთეულს დაექვემდებარება შესყიდვების დავების განმხილველი საბჭო დარამდენად დამოუკიდებელი იქბება, ამასთანავე ერთ-ერთი მნიშვნელოვანი თემა იქნება საიდუმლო შესყიდვები, რომელთან დაკავშირებითაც თავდაცვის სამინისტროდააფიქსირებს თავის პოზიციას, დღვანდელი შეხვედრა არის იმ ხანგრძლივი პროცესის შედეგი, რომლის შედეგადაც ჩვენ მივიღებთ ახალ და კარგად შეჯერებულშესყიდვების კანონმდებლობას“.

შეხვედრაში მონაწილეობდნენ EBRD და GIZ ექსპერტი, ერიკს მეზალისი, საქართველოს რეგიონული განვითარებისა და ინფრასტრუქტურის მინისტრის მოადგილე, ილიაბეგიაშვილი; თავდაცვის მინისტრის მოადგილე გიორგი ბუთხუზი; საჯარო სამართლის იურიდიული პირის, სახელმწიფო შესყიდვების სააგენტოს თავმჯდომარე ლევანრაზმაძე. აუდიტის სამსახურის უფროსის მოადგილე ნოდარ ჯავახიშვილი, პარლამენტის წევრები.

ღონისძიება ჩატარდა ევროკაშირისა და გაეროს განვითარების პროგრამის (UNDP) მხარდაჭერით.