მმართველ პარტია „ქართულ ოცნებაში“ შემავალი ფრაქცია, „კონსერვატორები“ საპრეზიდენტო არჩევნებზე მხარს დამოუკიდებელ კანდიდატს სალომე ზურაბიშვილს დაუჭერს.
ამის შესახებ დღეს ფრაქციის თავმჯდომარემ, ზვიად ძიძიგურმა განაცხადა.
გამოუცხადებს თუ არა მხარდაჭერას ზურაბიშვილს მმართველი პარტიის დანარჩენი ნაწილი, ჯერ-ჯერობით უცნობია.
„სალომე ზურაბიშვილი გახლავთ ჩვენი გაერთიანებული ოპოზიციის თანამებრძოლი 2007-2008 წლებში. ჩვენ ძალიან აქტიურად ვიყავით დაპირისპირებული მიხეილ სააკაშვილთან და მეტსაც გეტყვით, რომ ის იყო ჩვენი პრემიერ-მინისტრობის კანდიდატი ჩვენს ბრძოლაში. რა გადაწყვეტილებას მიიღებს „ქართული ოცნება“, ამის შესახებ რამდნიმე დღეში იქნება ცნობილი“ - განაცხადა ძიძიგურმა.