მოძრაობა „თეთრების“ ლიდერი თემურ შაშიაშვილი მიიჩნევს, რომ საქართველო დღეის მდგომარეობით სისტემურ კრიზისშია.
შაშიაშვილის განცხადებით, ქვეყანა კრიზისში „მოქკავშირ-აღორძინებისა“ და მათი მემკვიდრის „ნაციონალური მოძრაობის“ 20-წლიანი მმართველობის შედეგად შევიდა.
მისივე თქმით, დღეს საქართველოს საშიში ხელისუფლება ჰყავს,
რომელსაც ხალხის არ ესმის, ქვეყანას ძალისმიერი მეთოდებით მართავს და ყალბ ეროვნულ პათოსს ამკვიდრებს.

„მაშინ, როცა მოსახლეობის აბსოლუტურ უმრავლესობას სასიცოცხლო მინიმუმიც კი არ გააჩნია და სიკვდილ-სიცოცხლის ზღვარზე ცხოვრობს, კატასტროფულ მასშტაბებს აღწევს უმუშევრობა. ქვეყნის ხელისუფალნი ზღვარგადასულ ფუფუნებაში ცხოვრობენ, ყვავის ელიტური კორუფცია, ხელისუფლება მხოლოდ საკუთარი თავის გადარჩენაზე ფიქრობს და ამ მიზნით ყიდის ყველაფერს - მიწის ზევით და მიწის ქვეშ არსებულს“- აცხადებს შაშიაშვილი და აღნიშნავს, რომ საქართველო არა დემოკრატიისა და თავისუფლების, არამედ ანგარების გაძლიერების გზით მიდის.