პარლამენტის წევრის, სოფიო ქაცარავას განცხადებით, „საქართველო უკვე მეოთხედ მასპინძლობს „ღირსეული პარტნიორის“ სწავლებას, რაც უმნიშვნელოვანესია საქართველოში და მთლიანად რეგიონში მშვიდობის, სტაბილურობის და უსაფრთხოებას განმტკიცებისთვის.
მისივე თქმით, ამ სწავლებაში მონაწილეობენ საქართველოს პარტნიორი ქვეყნები, რაც ცალსახად ადასტურებს თუ რამდენად ღირსეული და სანდრო პარტნიორია საქართველო მათთვის.
„საქართველო უკვე მეოთხედ მასპინძლობს „ღირსეული პარტნიორის“ სწავლებას, რაც უმნიშვნელოვანესია საქართველოში და მთლიანად ჩვენს რეგიონში მშვიდობის, სტაბილურობის და უსაფრთხოებას განმტკიცებისთვის. ჩვენი ამოცანაა საქართველოს შეიარაღებული ძალების მუდმივი განვითარება, გაძლიერება, მათი თავსებადობის დაახლოება ნატოსთან და ზოგადად ჩვენი ქვეყნის წვლილის გაზრდა გლობალური უსაფრთხოების ხელშეწყობაში. ჩვენმა ქვეყანამ და თითოეულმა მოქალაქემ უნდა თავი იგრძნოს უფრო დაცულად და უსაფრთხოდ.



მნიშვნელოვანია, რომ ამ სწავლებაში მონაწილეობენ ჩვენი პარტნიორი ქვეყნები, რაც ცალსახად ადასტურებს თუ რამდენად ღირსეული და სანდრო პარტნიორები ვართ ჩვენ მათთვის. ეს არაერთხელ დაამტკიცეს ჩვენმა სამხედროებმა საერთაშორისო უსაფრთხოების მისიებში ჩართულობით. მჯერა, რომ ჩრდილოატლანტიკურ ოჯახთან დაახლოების პროცესში ყველა ნაბიჯი საბოლოოდ მიგვიყვანს ჩვენს მთავარ მიზანთან, რაც არის ალიანსის სრულფასოვანი წევრობა“- განაცხადა ქაცარავამ.