საქართელოს პარლამენტის თავმჯდომარის მოადგილის, ფრაქცია „ქართული ოცნების“
წევრის, გიორგი ვოლსკის განცხადებით, „ქართულ ოცნებას“ აქვს იმის რესურსი, რომ საპრეზიდენტო არჩევნებზე ისეთი კანდიდატი წარადგინოს, ვინც საზღვარგარეთაც და შინაურ საკითხებშიც საქართველოს ღირსეულად წარმოაჩენს.

ამის შესახებ მან ჟურნალისტებთან საუბრისას განაცხადა.

„ლოგიკა, რომ დამოუკიდებელი კანდიდატი იყოს პრეზიდენტი, პარტიულად არ იყოს ანგაჟირებული, რასაკვირველია, ამას გარკვეული ლოგიკა გააჩნია. საკონსტიტუციო მოთხოვნებიდან გამომდინარე, ასეთივე კანდიდატი, რომელიც წარმოადგენს საქართველოს ღირსეულად საზღვარგარეთაც და შინაურ საკითხებშიც, რასაკვირველია, ამის რესურსი „ქართულ ოცნებას“ გააჩნია“- განაცხადა ვოლსკიმ.

„ქართულ ოცნებას“ ჯერ არ მიუღია გადაწყვეტილება საპრეზიდენტო არჩევნებზე მხარს დამოუკიდებელ კანდიდატს დაუჭერს, თუ საკუთარი კანდიდატი ეყოლება.