გარემოს დაცვისა და სოფლის მეურნეობის მინისტრის, ლევან დავითაშვილის განცხადებით, ხე-ტყის დაცვის საკითხს მხოლოდ ერთი უწყება ვერ გაართმევს თავს.
მისივე თქმით, რამდენიმე შესაბამისმა უწყებამ - საგამოძიებო სამსახური, შსს, გარემოს ზედამხედველობის დეპარტამენტი, კოორდინირებულად უნდა იმუშაოს.

„ერთი უწყება ამას ვერ მოერევა, გარემოს ზედამხედველობის დეპარტამენტის შესაძლებლობის გაძლიერება არის გეგმის ნაწილი, რომელიც ჩვენ გვაქვს და რეფორმის ნაწილი, მაგრამ მომავალი წლიდან ქმედითი იქნება. აქ ყველა უწყება, მათ შორის საგამოძიებო სამსახური, შსს, გარემოს ზედამხედველობის დეპარტამენტი, ყველა კოორდინირებულად უნდა მუშაობდეს, იმიტომ, რომ ჩვენ ეფექტიანები ვიყოთ. გამოწვევა მართლაც დიდია. წარმოიდგინეთ, რომ ჩვენი ქვეყნის ტერიტორიის 40%-ია ტყე და რამდენი ათასი ადამიანი შეიძლება გვყავდეს, რომ ეს ყველაფერი დაიცვას, თუ შენ არ გაქვს სწორი მიდგომები, ამიტომ მათ შორის ტექნიკური საშუალებები, აღსრულების მექანიზმები, ჩვენი მხრიდან მზადყოფნა მაქსიმალურად დიდი უნდა იყოს,"- განაცხადა ლევან დავითაშვილმა.