პარლამენტის თავმჯდომარის მოადგილის, გიორგი ვოლსკის განცხადებით, დავით ჭიჭინაძის „ქართული ოცნებიდან“ გარიცხვის გადაწყვეტილების შესახებ ბიძინა ივანიშვილმა იცოდა.

მისივე განცხადებით, „ნაციონალური მოძრაობის“ ინტერესი მმართველი გუნდის რყევა და დესტაბილიზაცია და ჭიჭინაძის ქმედებები ამას ემთხვევა.

„ბიძინა ივანიშვილმა ეს გადაწყვეტილება, რასაკვირველია, იცოდა. მე ძალიან მიკვირს, რომ ბრიუსელის ვიზიტი, გერმანიის კანცლერის ჩამოსვლა - ამ თემის აქტიური გადაფარვა მიმდინარეობს და ლაპარაკია იმ რაღაც ფაცი-ფუცზე, რომელიც შემოგვთავაზა ჩვენმა ერთმა კოლეგამ. ჩვენთან კრიტიკული აზრის გამოთქმის, კამათის, არავითარი შეზღუდვა არ არსბობს. არსებობს მთავარი ამოცანა, რაც აქვს ოპონენტ მხარეს. ეს არის დესტაბილიზაცია და მმართველი გუნდის რყევა. „ნაციონალური მოძრაობის“ ინტერესი ეს არის და ამას ემთხვევა ის, რასაც დათო ჭიჭინაძე აკეთებს. არ მგონია, რომ ამ ნაბიჯზე ის შეგნებულად გადავიდა“ - აცხადებს ვოლსკი.

შეგახსენენბთ, რომ დავით ჭიჭინაძე პარტია „ქართული ოცნებიდან“ ორი დღის წინ გარიცხეს.