„საჭირო მსჯელობა იმასთან დაკავშირებით, თუ რა არის საუკეთესო გამოსავალი პირველ რიგში იმ ადამიანებისთვის, რომლებიც მუშაობენ ამ მაღაროებში. ესარის მთავარი ამოსავალი წერტილი. ამოსავალი ამ მსჯელობაში უნდა იყოს ადამიანი“,- ამის შესახებ საქართველოს პარლამენტის თავმჯდომარემ მინდელის სახელობის შახტის დახურვის გადაწყვეტილებისა და დასაქმებულთა ხელფასის ანაზღაურების შესახებ საუბრისას განაცხადა.

„ეს არის ურთულესი საკითხი. დღესაც, ცალსახად იმის თქმა, რომ რაღაც უნდა დაიხუროს მუდმივად ან რაიმე, ამის თქმა არის შეუძლებელი. ეს არის შრომისუსაფრთხოების საკითხი, ეს არის, ზოგადად, დასაქმების საკითხი, ეს არის სოციალური საკითხი. აქედან გამომდინარე, ერთი ხელის მოსმით ეს საკითხი,ბუნებრივია, ვერ გადაწყდება. არის საჭირო მსჯელობა იმასთან დაკავშირებით, თუ რა არის საუკეთესო გამოსავალი პირველ რიგში იმ ადამიანებისთვის,რომლებიც მუშაობენ ამ მაღაროებში. ეს არის მთავარი ამოსავალი წერტილი. ამოსავალი ამ მსჯელობაში უნდა იყოს ადამიანი, უნდა იყვნენ ის მშრომელები,რომლებიც არიან დასაქმებულნი დღეს ტყიბულში და თუ ამ სულისკვეთებით ვიმოქმედებთ, მე დარწმუნებული ვარ, რომ სწორ დასკვნებს გამოვიტანთ ამპროცესში“,- განაცხადა ირაკლი კობახიძემ.

რაც შეეხება შახტების ხელისუფლების დაქვემდებარებაში გადასვლის საკითხს, პარლამენტის თავმჯდომარემ აღნიშნა, რომ ეს კომპლექსური საკითხია. მისი განმარტებით, გასათვალისწინებელია ყველა ფაქტორი, რის საფუძველზეც უნდა იქნას მიღებული ისეთი გადაწყვეტილება, რომელიც ყველაზე მეტად წაადგება იქ დასაქმებულთა ინტერესებს.

„ეს არის კომპლექსური საკითხი. უნდა მოხდეს ამის ნაციონალიზაცია, არ უნდა მოხდეს, კომპენსირება უნდა მოხდეს - არ უნდა მოხდეს, ამას ყველაფერსსჭირდება შესწავლა, უნდა ვნახოთ მათ შორის რა არის სახელმწიფოს რესურსი ამ მიმართულებით და ამის მიხედვით უნდა გადავწყვიტოთ ეს საკითხი. კიდევერთხელ, უნდა გავითვალისწინოთ ყველა ფაქტორი, უნდა გავითვალისწინოთ უსაფრთხოების ფაქტორი, დასაქმების ფაქტორი, სოციალური ფაქტორი და ამყველა ფაქტორის კომპლექსური გაანალიზების საფუძველზე უნდა მივიღოთ გადაწყვეტილება, რომელიც ყველაზე მეტად წაადგება იქ მშრომელი,დასაქმებული ადამიანების ინტერესებს“,- აღნიშნა ირაკლი კობახიძემ.

ჟურნალისტებთან საუბრისას, ირაკლი კობახიძე გამოეხმაურა არასამთავრობო ორგანიზაციების მოთხოვნას საგამოძიებო კომისიის შექმნის შესახებ.

„ ჩვენ მზად ვართ განვიხილოთ ნებისმიერი საკითხი, თუ ეს არის საჭირო იმისათვის, რომ გამოძიებულ იქნას ის საქმე, რომელიც დაკავშირებულია ამტრაგედიასთან. ამაზეც ვიმსჯელებთ და ამას განვიხილავთ. ეს არის დამოკიდებული ჩვენს განხილვაზე“,- განაცხადა საქართველოს პარლამენტის თავმჯდომარემ.