მთავარი პროკურორობის კანდიდატის, შალვა თადუმაძის განცხადებით, სამართლიანობის აღდგენის ნაწილში სისტემური მიდგომაა საჭირო.
მისივე თქმით, ამ პროცესში პარლამენტის როლი უმნიშვნელოვანესია.
ამის შესახებ თადუმაძემ პარლამენტის იურიდიულ საკითხთა კომიტეტის სხდომაზე განაცხადა.
„სამართლიანობის აღდგენის ნაწილში მიმაჩნია, რომ არანაირი დეპარტამენტი და არანაირი რესურსი იმ მემკვიდრეობას არ ეყოფა, რომელიც ჩვენ მივიღეთ. ამიტომ სისტემურ მიდგომას როდესაც ვგულისხმობ, მე შემიძლია ვრცლად გითხრათ კონკრეტული საქმეების მიხედვით, როგორ შეიძლება გადაწყვეტილებების, მიღება.
სისტემური მიდგომის დროს ვგულისხმობ, რომ აღნიშული გადაწყვეტილების მიღებაში კორდინირებულად ჩართული უნდა იყოს როგორც ეკონომიკის, ისე ფინანსთა სამინისტრო და თუ საჭიროა პოლიტიკური მხარდაჭერა მოხდეს. ამ შემთხვევაში ვგულისხმობ გარკვეულ საკანონმდებლო ცვლილებებს ან ამნისტიას, ანუ აქ პარლამენტის როლიც არის უმნიშვნელოვანესი“- განაცადა თადუმაძემ.