იუსტიციის მინისტრობის კანდიდატმა, თეა წულუკიანმა გაერთიანებული კომიტეტების სხდომაზე

საპარლამენტო უმცირესობის წევრის, ოთო კახიძის იმ კომენტარს უპასუხა, სადაც კახიძე მას შეცდომებზე მიუთითებდა.
წულუკიანის განცხადებით, ის არ იღლება და არც მომავალში დაიღლება ოპოზიციასთან ბრძოლით.
„იმისთვის მაკრიტიკებთ, რომ საქმე გავაფუჭე, რომ დღეს ლადო ჭანტურია ევროპული სასამართლოს მოსამართლეა. სიამაყით მევსება გული, როდესაც მესმის ხოლმე ჩემი სკოლადამთავრებულების, ფრანგების, ბრიტანელების, განსაკუთრებით გერმანელების მხრიდან მისი ქება-დიდება. რომ ეს არის ევროპული სტანდარტის მაღალკვალიფიციური მოსამართლე, მოვანდომე ამას ორი წელი? დიახ, მოვანდომე, იმიტომ რომ მე თქვენთან ბრძოლაში არ ვიღლები და არ დავიღლები არასდროს, ვიდრე მაქვს ის სული, რაც ღმერთმა მომცა“- განაცხადა წულუკიანმა.