პარლამენტის თავმჯდომარე დავით ბაქრაძე სტიქიით დაზარალებული მოსახლეობის დახმარების საკითხთან დაკავშირებით, ბიძინა ივანიშვილს პრემიერ-მინისტრ ვანო მერაბიშვილისთვის მიმართვას ურჩევს.

მისი თქმით, პრემიერ-მინისტრი გამოძებნის გზას, თუ რა ფორმით უნდა ჩაერთოს ივანიშვილი სტიქიის გამო შექმნილი საგაგებო შტაბის მუშაობაში.

„ჩვენ არაერთხელ მოგვისმენია ივანიშვილის კომენტარი იმის შესახებ, რომ ვანო მერაბიშვილი არის ძალიან კარგი მენეჯერი. შეუძლია დაუკავშირდეს ბატონ მერაბიშვილს და თვითონ შეთანხმდენენ თუ არსებობს რაიმე ფორმა, რითაც ივანიშვილი შტაბის მუშაობაში მიიღებს მონაწილეობას“ - განაცხადა ბაქრაძემ.

მისი თქმით, ზოგადად, შტაბი მთავრობის წარმომადგენლებისა და მინისტრებისგან კომპლექტდება, თუმცა, როგორც ბაქრაძემ განაცხადა, მერაბიშვილი „მართლაც იმდენად კარგი მენეჯერია, რომ სურვილის შემთხვევაში, რამეზე მოლაპარაკებას შეძლებენ“.

კოალიცია „ქართულმა ოცნებამ“ სტიქიით დაზარალებული მოსახლეობის დასახმარებლად მზადყოფნა გამოთქვა.