ჯანდაცვის მინისტრის, დავით სერგეენკოს განცხადებით, როდესაც სამინისტროები გაერთიანდება, კონკრეტული ფუნქციების დეპარტამენტები ან უცვლელად დარჩება ან გარკვეულ ცვლილებას დაექვემდებარება.
მისივე თქმით, ცვლილებების მიზანი გადაწყვეტილებების ეფექტურობა და ოპერატიულობაა.


„როდესაც ფუნქციები გაერთიანდება, კონკრეტული ფუნქციის განმახორციელებელი დეპარტამენტი ან უცვლელად ან მცირე ცვლილებით გადმოვა.
რაც შეეხება ზოგად ფუნქციებს - ადინისტრაციული, ფინანსური, შესყიდვები და ა.შ. აქ მინიმუმ მათი ხელმძღვანელების დუბლირება არ მოხდება. ერთ სამინისტროს ორი, მაგალითად, კადრების განყოფილების უფროსი და ორი მთავარი ეკონომისტი არ ჭირდევა და ა.შ. ასე მოხდება ერთეული ცვლილებები.
მომავალში გადაწყვეტილებების მიღების დროს, გადაწყვეტილების დაბადებიდან განხორციელებამდე დრო უნდა შემცირდეს მნიშვნელოვნად. ესაა ძირითადი რეზერვი, რითაც თანხების შემცირება მოხდება, რადგან ეფექტიანობა გაიზრდება“- განაცხადა სერგეენკომ.