24 მაისს, 17:15 საათზე, საგარეო საქმეთა სამინისტროსთან არსებულ ნატოსა და ევროკავშირის შესახებ საინფორმაციო ცენტრში გაიხსნება საქართველოს პირველი დემოკრატიული რესპუბლიკის 100 წლისთავისადმი მიძღვნილი, რიგით მეორე გამოფენა - "ევროპული დემოკრატიული რესპუბლიკა".

გამოფენა "ევროპული დემოკრატიული რესპუბლიკა" ასახავს დემოკრატიული რესპუბლიკის პოლიტიკური ლიდერების და ინტელექტუალების დამოკიდებულებას ევროპისა და, ზოგადად, დასავლეთისადმი.

გამოფენას საქართველოს საგარეო საქმეთა მინისტრის მოადგილე გიორგი შარვაშიძე გახსნის.

გამოფენის გახსნის ცერემონიის შემდეგ საქართველოს პირველი დემოკრატიული რესპუბლიკის დამოუკიდებლობის გამოცხადებიდან 100 წლის იუბილესთან დაკავშირებით გამოცხადებული სტუდენტური ესეების კონკურსის გამარჯვებულები გამოვლინდებიან. საუკეთესო ესეების ავტორები სხვადასხვა პრიზით დასაჩუქრდებიან.

18:00 საათზე კი გაიმართება საჯარო ლექცია თემატიკაზე - "ორმხრივი ურთიერთობები 1918-1921 წლებში". ლექციას წაიკითხავს პროფესორი რუსუდან დაუშვილი.