საპარლამენტო არჩევნები სავარაუდოდ, მიმდინარე წლის 5 ოქტომბერს ჩატარდება. ამის შესახებ საპარლამენტო  უმრავლესობაში აცხადებენ.
„ნაციონალური მოძრაობის“ წევრების თქმით, არჩევნების თარიღის და მათი საარჩვენო კამპანიის დაწყების შესახებ განცხადება დაახლოებით ათ დღეში გაკეთდება.
ამასთან, არსებული ინფორმაციით, ამ დრომდე მმართველი პარტია მაჟორიტარულ ოლქებში კანდიდატებზე და პროპორციულ სიაზე ჩამოყალიბებული არ არის.
საარჩევნო კოდექსის თანახმად, საქართველოს პარლამენტის მორიგი არჩევნები პარლამენტის უფლებამოსილების ვადის ამოწურვის კალენდარული წლის ოქტომბერში ტარდება. არჩევნების თარიღს საქართველოს პრეზიდენტი არჩევნებამდე არაუგვიანეს 60 დღისა ნიშნავს.

საქართველოს პარლამენტის 77 წევრი პროპორციული საარჩევნო სისტემის საფუძველზე აირჩევა, ხოლო 73 წევრი – მაჟორიტარული სისტემით. პარლამენტს 4 წლის ვადით აირჩევენ.