NDI-ს მიერ გამოკითხული მოსახლეობის 33%-ს მიაჩნია, რომ ნატო-ში საქართველოს გაწევრიანებას „ერთიანი ნაციონალური მოძრაობა“ შეძლებს, ხოლო 15% ფიქრობს, რომ  ამ საკითხს კოალიცია „ქართული ოცნება“ მოაგვარებს.
NDI-ს მიერ ივნისში ჩატარებული გამოკითხვის თანახმად, ალიანსში გაწევრიანების საკითხში „ქრისტიან-დემოკრატიული მოძრაობის“ იმედი გამოკითხულთა 2%-ს აქვს.
რაც შეეხება რუსეთთან ურთიერთობას, რესპოდენტთა 22% მიიჩნევს, რომ ამ საკითხს „ნაციონალური მოძრაობა“ დაარეგულირებს, ხოლო 25%-ს „ქართული ოცნების“ იმედი აქვს. გამოკითხულთა 2% ფიქრობს, რომ აღნიშნული საკითხის მოგვარებას ქდმ შეძლებს.
რესპოდენტების 26%-ს მიაჩნია, რომ საქართველოს ტერიტორიულ მთლიანობას „ნაციონალური მოძრაობა“ აღადგენს, 23 %-ს სჯერა, რომ ეს „ქართულ ოცნებას“ შეუძლია, ხოლო 2% ფიქრობს, რომ ქდმ ტერიტორიული მთლიანობის პრობლემის მოგვარებას ყველაზე უკეთ მოახერხებს.
გამოკითხულთა 29% დარწმუნებულია, რომ მმართველ პარტიას ქვეყანაში დემოკრატიის განვითარება შეუძლია, ხოლო 19% ამ საკითხში „ქართულ ოცნებას“ ენდობა. გამოკითხულთა 2%-ს დემოკრატიის საკითხში ქდმ-ის იმედი აქვს.
რესპოდენტების 33% დარწმუნებულია, რომ განათლების საკითხის მოგვარება ყველაზე უკეთ „ნაციონალურ მოძრაობას“ შეუძლია, 19%- ფიქრობს, რომ ამ საკითხს „ქართული ოცნება“ მოაგვარებს, ხოლო 3% ქდმ-ს ენდობა.
ჯანდაცვის საკითხის მოგვარების კუთხით მმართველ პარტიას 30%-იანი ნდობა აქვს, „ქართულ ოცნებას“ - 19%, ხოლო გამოკითხულთა 5% მიიჩნევს, რომ ჯანდაცვის საკითხების მოგვარება ყველაზე უკეთ ქდმ-ს შეუძლია.
რესპოდენტების 28% მიიჩნევს, რომ დასაქმების პრობლემას ყველაზე უკეთ „ნაციონალური მოძრაობა“ გადაჭრის, 24% ამ მხრივ „ქართულ ოცნებას“ ენდობა, ხოლო 3%-ს მიაჩნია, რომ დასაქმების საკითხის მოგვარება ყველაზე უკეთ ქდმ-ს შეუძლია.