დედაქალაქის მერის, კახა კალაძის განცხადებით, კანონი ყველა მოქალაქისთვის უზენაესია.
კალაძის თქმითვე, დამნაშავე, ვინც არ უნდა იყოს ის, დაისჯება.

„ყველა დამნაშავე იქნება დასჯილი, ვინც არ უნდა იყოს, არ აქვს მნიშვნელობა, პოლიციელის ძმა, ბიძაშვილი, დეიდაშვილ-მამიდაშვილი თუ მისი ბიცოლაა, არ აქვს მნიშვნელობა. კანონი არის ყველასთვის კანონი, უზენაესი, ჩვენ არაერთი მაგალითი შეგვიძლია მოვიყვანოთ, რომ ჩვენ ეს მიდგომები არ გვახასიათებს, შესაბამისად, ვინც დაარღვევს კანონს, შესაბამისი სამსახურები ყველაფერს გააკეთებენ, რომ პასუხი აგებინონ“- განაცხადა კახა კალაძემ.