საქართველოს საგარეო საქმეთა სამინისტრომ ღია კარის დღის ფარგლებში საჯარო სკოლის
დამამთავრებელი კლასის მოსწავლეებს უმასპინძლა.
ღია კარის დღე პირველი დემოკრატიული რესპუბლიკის 100 წლის იუბილესადმი მიძღვნილი ღონისძიებების ფარგლებში განხორციელდა.
საჯარო სკოლის დამამთავრებელი კლასის მოსწავლეებისთვის ლექცია გამართა საქართველოს ყოფილმა საგანგებო და სრულუფლებიანმა დესპანმა დიდ ბრიტანეთში კახი ქენქაძემ. მან სამინისტროს საქმიანობის შესახებ ისაუბრა და ქართული დიპლომატიის ისტორია მიმოიხილა. მოსწავლეებმა საინტერესო დეტალები მოისმინეს პროფესია დიპლომატის შესახებ.
აღსანიშნავია, რომ პირველი დემოკრატიული რესპუბლიკის 100 წლისთავთან დაკავშირებით სამინისტრომ ღია კარის დღეს მეორედ უმასპინძლა. საიუბილეო თარიღთან დაკავშირებით, 26 მაისამდე უწყების ორგანიზებით არაერთი შემეცნებითი ღონისძიება გაიმართება.
საგარეო საქმეთა სამინისტრომ მოსწავლეებს 2018 წლის 8 მაისს უმასპინძლა.
