ფრაქცია „ქართული ოცნების“ თავმჯდომარის, მამუკა მდინარაძის განცხადებით, მიუხედავად იმისა, რომ პრეზიდენტი კარგად იცნობს რეგლამენტს, საზოგადეობასა და პასუხისმგებლობას გაექცა.

ამის შესახებ მდინარაძემ ჟურნალისტებს განუცხადა.

„მიუხედავად იმისა, რომ პრეზიდენტი ძალიან კარგად იცნობს რეგლამენტსაც, ფორმატიც შეთანხმებული იყო გუშინ, ის გაექცა საზოგადოებას, პასუხისმგებლობას და საქართველოს პარლამენტის წევრებს. თუმცა, ჩვენ მაინც ვთვლით, რომ, იქნებ, მიეცეს მას შესაძლებლობა, რომ თუ მართლა უნდა კითხვებზე პასუხების გაცემა, შევთავაზოთ სატელევიზიო დებატების ფორმატი“- განაცხადა მდინარაძემ.


მამუკა მდინარაძე იმედოვნებს, რომ პრეზიდენტი უმრავლესობის შეთავაზებას დათანხმდება. მისივე თქმით, პრეზიდენტის სურვილის შემთხვევაში, უმრავლესობა მზადაა დებატების ნებისმიერ ფორმატში გამართვისთვის.



„მიუხედავად იმისა, რომ პრეზიდენტი ძალიან კარგად იცნობს რეგლამენტსაც, ფორმატიც შეთანხმებული იყო გუშინ, ის გაექცა საზოგადოებას, პასუხისმგებლობას და საქართველოს პარლამენტის წევრებს. თუმცა, ჩვენ მაინც ვთვლით, რომ, იქნებ, მიეცეს მას შესაძლებლობა, რომ თუ მართლა უნდა კითხვებზე პასუხების გაცემა, შევთავაზოთ სატელევიზიო დებატების ფორმატი, სადაც საშუალება იქნება, რომ ყველა კითხვას ამომწურავად გასცეს პასუხი. იმედია, ის ჩვენს ამ შემოთავაზებას მიიღებს.



ტექნიკურ და ფორმალურ საკითხებზე, ალბათ, შევჯერდებით. არ მინდა, წინასწარ ეს დავაანონსო ან დეტალიზაცია მოვახდინო. მისი სურვილის შესაბამისად, ჩვენ მზად ვართ, ნებისმიერ ფორმატში დავუჯდეთ დებატებში პრეზიდენტ მარგველაშვილს“,- განაცხადა ფრაქცია „ქართული ოცნების“ თავმჯდომარემ.