ირლანდიაში საქართველოს საელჩოს ორგანიზებით, დუბლინში მდებარე ევროპის სახლში, ფოტოგამოფენა „საქართველოს ევროპული ისტორიის ფურცლები“ გაიხსნა, რომელიც საქართველოს პირველი რესპუბლიკის 100 წლის იუბილეს მიეძღვნა.
გამოფენა ოფიციალურად ირლანდიაში საქართველოს საქმეთა დროებითმა რწმუნებულმა გიორგი ზურაბაშვილმა, დუბლინის ლორდ-მერმა მიჰოლ მაკ დონაქამ და ირლანდიაში ევროკომისიის წარმომადგენლობის ხელმძღვანელმა ჯერი ქაილიმ გახსნეს. ფოტოგამოფენის გახსნის ცერემონიალის შემდგომ გაიმართა მიღება, სადაც სტუმრებს საელჩო ქართული ღვინით გაუმასპინძლდა.
ღონისძიებას ესწრებოდნენ ირლანდიის მთავრობის, პარლამენტის, კულტურისა და სამეცნიერო წრეების, ასევე, დიპლომატიური კორპუსის წარმომადგენლები.
ფოტოგამოფენა ევროპის სახლში მიმდინარე წლის 4 მაისამდე გაგრძელდება.