პარლამენტარის, გედევან ფოფხაძის განცხადებით, დეპუტატებს პოლიტიკურ პროცესებში სრულფასოვანი
მონაწილეობის საშუალება უნდა მიეცეთ.

მისივე თქმით, ერთადერთი დისციპლინა, რასაც უნდა დაემორჩილოს დეპუტატი ქვეყნისა და ხალხის ინტერესებია.


„ჩვენ უნდა მოგვეცეს საშუალება პოლიტიკურ პროცესებში სრულფასოვანი მონაწილეობისა. გადაწყვეტილება უნდა იყოს მიღებული ყველას მონაწილეობით. ეს არის სწორი ფორმა. იმედია რომ იქიდან არ იქნება ისეთი პირობები, რომელიც აქცენტს გააკეთებს რაღაც დისციპლინაზე დეპუტატების მხრიდან. მე მაინც მგონია, რომ ერთადერთი დისციპლინა, რასაც უნდა დაემორჩილოს დეპუტატი, ეს არის ქვეყნის და ხალხის ინტერესები“- განაცხადა ფოფხაძემ.

დეპუტატმა მმართველი გუნდის დაგეგმილ შეხვედრაში ბიძინა ივანიშვილის ჩართულობაზეც ისაუბრა.

„მგონია, რომ სასურველია ივანიშვილის ჩართულება. რადგან მას აქვს ძალიან დიდი პოლიტიკური კაპიტალი, ავტორიტეტით, რაც მას ქვეყანაში გააჩნია. ეს არის ის პოლიტიკური კაპიტალი, რაც ეხმარება ადამიანებს ძალიან ბევრი კრიტიკული სიტუაციის დროს სწორი გადაწყვეტილების მიღებაში.
რაც მე შეიძლება დავთმო და წავიდე კონსესუსზე ბიძინა ივანიშვილის ფაქტორის გათვალისწინებით, შეიძლება ეს სხვა შემთხვევაში არ გავაკეთო“- განაცხადა ფოფხაძემ.

შიდა დაპირისპირებების თაობაზე გადამწყვეტი სხდომა უმრავლესობაში ხვალ 19:00 საათზე უნდა გაიმართოს.