„ქართული ოცნების“ წევრის, მირიან წიკლაურის განცხადებით, ნინია კაკაბაძის დანიშვნის საკითხზე აზრთასხვადასხვაობა არსებობს, თუმცა ეს მძაფრი დაპირისპირების მიზეზი არ გამხდარა.
მისივე თქმით, ისეთი ადამიანის მხარდაჭერა როგორიც ნინია კაკაბაძეა, მისთვის მიუღებელია.
„ცხადია პოზიციები განსხვავდება და აზრთასხვადასხვაობაც იქნება, მაგრამ ეს მძაფრი დაპირისპირების მიზეზს ჯერ-ჯერობით არ იძლება. მომავალი გვიჩვენებს, ჩვეულებრივი ადამიანები ვართ ჩვენ. ცხადია, შეიძლება რაღაც ისეთი მოხდეს, რაც აქამდე არ მომხდარა და გადაწყვეტილებაც შეიძლება ასეთი იყოს მიღებული.
პირდაპირ გეტყვით, რომ ნებისმიერ პოზიციაზე ისეთი ადამიანის მხარდაჭერა, როგორიც ნინია კაკაბაძეა, მიუღებელია“- განაცხადა წიკლაურმა.
შეგახსენებთ, რომ დღეს საპარლამენტო უმრავლეოსობის წევრმა გედევან ფოფხაძემ „ქართული ოცნება“ დატოვა. მისი თქმით, ამის მიზეზი პარლამენტის დეპუტატთა უმრავლესობის მიერ „საზოგადოებრივი მაუწყებლის“ ბორდის წევრად ნინია კაკაბაძის დამტკიცება გახდა.